Gymysh serial në Egjipt, 12 episode 500 mijë euro

Bota arabe e pëlqen shumë aktoren e njohur turke, Songul Oden, apo siç e njohim këtu tek ne, si Gymysh. Pasi u bë e famshme falë aktrimit në krah me Mehmetin (Kivanc Tatlitug), ajo vazhdon të shpërblehet me role jo vetëm në teatro, por edhe me pjesëmarrje në seriale jashtë Turqisë.

Ka 7 vite që kur ka xhiruar serialin me Kivanc dhe vazhdon të thyejnë rekord shikueshmërie në shumë vende, përfshirë këtu edhe Lindjen e Mesme.

Në muajin maj ajo do të udhëtojë drejt Egjiptit për të filluar xhirimet e serialit ”Underground”, ku për 12 episode që do jetë pjesëmarrëse, ajo do të paguhet hiç më pak se 500 mijë euro.

Leksione pornografie në kolegj, detyrë shtëpie: Shikoni porno

Në Shtetet e Bashkuara të Amerikës kanë plasur polemikat pas vendimit të një kolegji në Kaliforni, për të hapur kurse pornografie.

Iniciativa e kolegjit “Pasadena City College” parashikon zhvillimin e leksioneve të mirëfillta që lidhen me pornografinë. Në programin mësimor përfshihen leksione me pornostaret më të njohura, për të interpretuar aspektet historike dhe sociologjike të këtij fenomeni. Detyrat e shtëpisë për studentët? “Shikoni porno”.

Profesori përgjegjës për kursin e leksioneve, Hugo Schwyzer shpjegon se kjo është një mundësi e mirë për studentët, që të kuptojnë diçka më shumë në mënyrë intelektuale në lidhje me pornografinë, që siç shprehet ai, ka një ndikim të jashtëzakonshëm në kulturën e tyre. Sipas profesorit, në leksione nuk shfaqen video pornografike, pasi kjo është një detyrë shtëpie.

Ndërkohë në SHBA, prindërit e studentëve dhe profesorët e tjerë shprehen kundër zhvillimit të këtyre leksioneve.

Drenusha në Fashion TV të Turqisë?

Është kthyer nga Turqia modelja e njohur, Drenusha Latifi, e cila ka qenë pjesë e një fushatës së një agjensie të modës, teksa pos tjerash ka konfirmuar se mund të bashkëpunojë me Fashion TV turk.

 Modelja thotë se ajo ka marrë ofertë nga drejtori i Fashion TV për një fushatë reklamuese dhe madje pohon se do të paguhet shumë mirë, kjo për shkak se jashtë vendit modelet vlerësohen më mirë.

“Jam mjaft e kënaqur me ftesën nga Enis Onat, i cili është edhe drejtori i ‘Fashion TV’ në Turqi. Me të njihemi që nga viti 2003 kur edhe kam përfaqësuar Kosovën në ‘Miss Evropa Junior’ në Turqi. Dhe tani oferta e Enisit ka të bëjë me një agjenci të modës atje, për të cilën ende nuk kam shkruar kontratën, mirëpo besoj se shumë shpejt do ta nënshkruaj”.

“Natyrisht se për t’u bërë pjesë e ndonjë agjencie të modës jashtë vendit paguhesh më mirë, mirëpo unë në pamundësi për të treguar shumën e të hollave mund të them se jam e kënaqur me këtë ofertë”, ka thënë Drenusha për Zëri. /Telegrafi/